വളര്ച്ചയ്ക്ക് പിന്നിലെ പ്രധാന കാരണം:
മതപരിവര്ത്തനമല്ല, മറിച്ച് ജനനനിരക്കിലെ (Fertility rate) വ്യത്യാസമാണ് ഈ ജനസംഖ്യാ മാറ്റത്തിന് പിന്നിലെ പ്രധാന കാരണം. 2020~നും 2025~നും ഇടയില് ഒരു മുസ്ളിം സ്ത്രീക്ക് ശരാശരി 3.1 കുട്ടികള് വീതമുള്ളപ്പോള്, ക്രിസ്ത്യന് സ്ത്രീകളില് ഇത് 2.5 ആണ്. മറ്റ് മതവിഭാഗങ്ങളിലും മതരഹിതരിലും ഇത് ശരാശരി 1.6 മാത്രമാണ് (ഒരു തലമുറ നിലനില്ക്കാന് വേണ്ട കുറഞ്ഞ നിരക്ക് 2.1 ആണ്).
കണക്കുകള് ഒറ്റനോട്ടത്തില്:
2020~ലെ കണക്ക്: 227 കോടി (2.27 Billion) ക്രിസ്ത്യാനികളും 202 കോടി (2.02 Billion) മുസ്ളിങ്ങളും.
2035~ലെ പ്രവചനം: മുസ്ളിം ജനസംഖ്യ 257 കോടിയായും (2.57 Billion), ക്രിസ്ത്യന് ജനസംഖ്യ 252 കോടിയായും (2.52 Billion) ഉയരും.
2070~ലെ പ്രവചനം: നിലവിലെ പ്രവണത തുടര്ന്നാല് 2070~ഓടെ മുസ്ളിം ജനസംഖ്യ 360 കോടി കവിയും. എന്നാല് ക്രിസ്ത്യാനികളുടെ എണ്ണം 300 കോടിക്ക് അല്പം താഴെയായിരിക്കും.
2070~ഓടെ ലോകത്തുണ്ടാകുന്ന പ്രധാന മാറ്റങ്ങള്:
യൂറോപ്പിലെ മാറ്റം: യൂറോപ്പിലെ ആകെ ജനസംഖ്യ 17% കുറയും. ഭൂഖണ്ഡത്തിലെ ക്രിസ്ത്യാനികളുടെ എണ്ണം 50.5 കോടിയില് നിന്ന് 32.4 കോടിയായി (35.8% ഇടിവ്) കുറയുമ്പോള്, മുസ്ളിം ജനസംഖ്യ നിലവിലെ 6 ശതമാനത്തില് നിന്ന് 13 ശതമാനമായി ഉയരും.
ക്രിസ്തുമതത്തിന്റെ കേന്ദ്രമായി ആഫ്രിക്ക: ലോകത്തിലെ പകുതിയിലധികം ക്രിസ്ത്യാനികളും സബ്~സഹാറന് ആഫ്രിക്കയിലായിരിക്കും. ഏറ്റവും കൂടുതല് ക്രിസ്ത്യാനികളുള്ള രാജ്യമായി അമേരിക്കയെ മറികടന്ന് ആഫ്രിക്കന് രാജ്യമായ 'ഡെമോക്രാറ്റിക് റിപ്പബ്ളിക് ഓഫ് കോംഗോ' മാറും.
അമേരിക്കയില് ഭൂരിപക്ഷം നഷ്ടമാകും: 2070~ല് അമേരിക്കയിലെ ഏറ്റവും വലിയ മതവിഭാഗമായി ക്രിസ്ത്യാനികള് തുടരുമെങ്കിലും, രാജ്യത്തെ ആകെ ജനസംഖ്യയിലെ 'ക്രിസ്ത്യന് ഭൂരിപക്ഷം' എന്ന പദവി നഷ്ടമാകും.
മുസ്ളിം ജനസംഖ്യയില് പാകിസ്ഥാന് മുന്നില്: നിലവില് ഏറ്റവും കൂടുതല് മുസ്ളിങ്ങളുള്ള ഇന്തോനേഷ്യയെ മറികടന്ന് പാകിസ്ഥാന് ഒന്നാമതെത്തും. ഇന്ത്യ, നൈജീരിയ, ഇന്തോനേഷ്യ എന്നിവയായിരിക്കും തൊട്ടുപിന്നില്.
മറ്റ് മതങ്ങള്: ഹിന്ദുക്കളുടെ എണ്ണം ഇന്ത്യയില് വര്ദ്ധിക്കുമെങ്കിലും വളര്ച്ചാനിരക്ക് ഇന്ത്യയ്ക്ക് പുറത്തുള്ള രാജ്യങ്ങളിലായിരിക്കും (യു.എസ് ഉള്പ്പെടെ) കൂടുതല്. ചൈന, ജപ്പാന്, ദക്ഷിണ കൊറിയ എന്നിവിടങ്ങളിലെ ജനസംഖ്യ കുറയുന്നതോടെ ബുദ്ധമതക്കാരുടെ എണ്ണം പകുതിയിലധികമായി ഇടിയും. ലോകത്തിലെ 62% ജൂതന്മാരും ഇസ്രായേലിലായിരിക്കും താമസിക്കുക (2020ല് ഇത് 46% ആയിരുന്നു).
ഇരുമതങ്ങളും തങ്ങള്ക്ക് നിലവില് ഭൂരിപക്ഷമുള്ള രാജ്യങ്ങളിലാണ് വളരുന്നതെന്നും, ക്രിസ്ത്യാനികള്ക്ക് കോട്ടം തട്ടിക്കൊണ്ടല്ല മുസ്ളിം ജനസംഖ്യ വളരുന്നതെന്നും പ്യൂ റിസര്ച്ച് ഡയറക്ടര് അലന് കൂപ്പര്മാന് വ്യക്തമാക്കി. ഇത്തരം കണക്കുകളെ മതങ്ങള് തമ്മിലുള്ള സംഘര്ഷമായോ തോല്വിയായോ ചിത്രീകരിക്കരുതെന്നും, മതങ്ങള്ക്കിടയിലുള്ള പരസ്പര സൗഹൃദവും തിരിച്ചറിവും കാലഘട്ടത്തിന്റെ അനിവാര്യതയാണെന്നും ഗവേഷകര് ഓര്മ്മിപ്പിക്കുന്നു.

Comments: